పొద్దు వారికి వినతి

పొద్దు పత్రిక వారికి పెద్ద విజ్ఞప్తి.. దీనిగురించి ఎటువంటి చర్య తీసుకొని పక్షంలో పరిణామాలు తీవ్రంగా ఉండవచ్చు.
అయ్యా...
పొద్దు పత్రికలో ప్రతి నెల ఒక గడి ఇచ్చి మాకందరికీ ఒక ఉపయోగకరమైన కాలక్షేపం అలవాటు చేసారు. కాని ఆరునెలలుగా కొత్త గడి ఇవ్వడం లేదు. ఏమో లే సంపాదకులందరూ బిజీగా ఉన్నారని అనుకుంటూ ఎప్పుడు ఇస్తారా అని ఎదురుచూస్తున్నాం. కాని ఇక మా సహనం చచ్చిపోయింది. తొందరగా కొత్త గడి ఇవ్వగలరు. లేనిచో గడి ప్రేమికులందరూ కలిసి JAC ఏర్పాటు చేసుకుని ఏమి చేయాలా అని ఆలోచిస్తాం. అయినా కూడా ఇవ్వనంటారా?? ఏం చేస్తాం.. సైలెంట్ అయిపోతాం...

ఎన్ని శంకరభారణాలు ,మాలికలు వచ్చినా, రోజూ కొత్త ప్రహేళికలు, పూరణలు వచ్చినా సరే పొద్దువారి గడి మాత్రం మాకు కావాలి అంటే కావాలి... అంతే..

అక్టోబరు నెల గడి - 2010

అక్టోబరు నెల గడిని కొవ్వలి సత్యసాయిగారు కూర్చారు. సత్యసాయి గారి గడి అంటే కొంచెం కష్టంగా, గందరగోళంగా ఉంటుంది మరి! నాకు తెలిసిన కొన్ని స్లిప్పులు ఇస్తున్నాను. ప్రయత్నించి చూడండి.


అడ్డం: 1.బహుజనపల్లి సీతారామయ్య గారి డిక్షనరీ!
3.ఇనుప కొమ్ములు విరగ్గొట్టి తోక తెగ్గొట్టండి.
13.బొడ్డూడిన గరిమనాభి.


నిలువు: 2.ఈ పజిల్ ఇలా ఉంది.
3.ప్రియం అంటే కాస్ట్లీ కాదు.
19.విరాళము లా ధ్వనించే హంస.

సెప్టెంబర్ నెల గడి - 2010

ఈసారి పొద్దువారు గడి ఫలితాలు చాలా తొందరగానే ఇచ్చేసారు. గత గడిని పూరించింది ఒక్కరే. వారే ఈసారి గడి కూర్పరులు. మరి ఈసారి కాస్త ప్రత్యేకమైన గడి ఇచ్చారు భైరవభట్ల కామేశ్వరరావుగారు. ముందుగా కొన్ని స్లిప్పులు..

అడ్డం.
2 . ఈజీనే. పది
26. నోటినిండుగా నీరు పట్టి ఏం చేస్తారు?
27. స్తుతించు

నిలువు
28 . మహాభారతం రాసినవారిలో రెండోవాడు.